للحاصلين على ليسانس الحقوق .. فتح باب التقديم بأكاديمية الشرطة لهذ العام والتقديم حتى 15 اغسطس
التقديم في أكاديمية_الشرطة ( حقوق )
التقديم الإلكتروني :
اولا:- دفعة 2022
التقديم يبدأ من يوم ١٨ يوليو ٢٠٢٣ حتي يوم ١٥ أغسطس ٢٠٢٣ مازال التسجيل مستمر
.
ثانيا:- دفعة2023
التقديم يبدأ من يوم ١ أغسطس حتي يوم ١٤ سبتمبر
اللي معاهم مواد في الصيفي بيقدم عادي بس مش بيدخل الطبي غير بالشهادة .
لينك_التقديم على الموقع الإلكتروني :
بعد التسجيل علي الموقع ودفع رسوم التسجيل الإلكتروني عن طريق فوري 250 ج بيتم طباعة الورقة الخاصة بالتسجيل والموضح فيها موعد ذهابك لمقر الأكاديمية لسحب الملف .
هتروح مقر الأكاديمية وطبعا هتدخل من بوابة 5 في الميعاد بتاعك ويكون معاك الأوراق الاتيه :
1 - أصل شهاده التخرج - لو حضرتك لسه شهادتك مطلعتش بتاخد أصل إفادة من الكلية بتقديرك العام .
2 - أصل شهادة الثانوية العامة - أو صورة طبق الأصل مختومه بختم الشعار .
3 - طبعا بتاخد البطاقة الشخصية بتاعتك ويفضل يكون معاك صور منها .
4 - عدد أربع صور شخصية خلفية بيضة 4×6 يكون حالق فيها ميري أو رقم 2 عادي .
5 - مبلغ مالي وقدره 400 جنيه لسحب الملف وطبعا هيبقي معاك مصاريف شخصية .
#البيانات_المطلوب توافرها معاك أثناء سحب الملف ومضمونها ( الاسم رباعي والمؤهل الدراسي والوديفة الحالية والجنسية ) عادي ممكن تكتبوهم في ورقة وتخلوها معاكم :
1 - بيانات الاعمام و العمات .
2 - بيانات الاخوال و الخالات .
3 - بيانات الجدود .
4 - بيانات الوالدين .
5 - الأخوة - الأخوات .
بعد سحب الملف
وكتابة البيانات المطلوبة بتدخل أختبار القدرات وهو عبارة عن مجموعة أسئلة معلومات عامة بتحلهم في وقت معين تقريبا ٥ دقائق .
نتيجة الاختبار
بتظهر علي الموقع الإلكتروني في اليوم التالي للاختبار وكذلك باقي الاختبارات بعد كده .
ودا شكل طلب الالتحاق بكلية الشرطة
بالتوفيق للجميع يارب ان شاء الله
